Igande honetan egingo dute korrikalariek aurtengo Flysch Trail lasterketako laugarren entrenamendua. Aurrekoan bezala, Lubaki Kiroldegitik abiatuko dira, 8:00etan, eta bi ibilbide izango dituzte aukeratzeko. Batean, lasterketa eguneko 14 kilometroko ibilbidean jardungo dute, eta bestean, ibilbide luzea landuko dute, 22 kilometrokoa.
Ekainean hasi zituzten entrenamenduak, eta guztira bost egingo dituzte. Igandekoa laugarrena izanik, azkena geratzen zaie egiteko lasterketaren aurretik. Hori irailaren 24an izango da.
Halaber, lau prestakuntza saiotan parte hartzen duten nesken artean 30 dortsal zozkatuko dira, Gipuzkoako Foru Aldundiaren berdintasun sailaren eskutik.