Zumaiako pentsiodunen eta jubilatuen plataformak asteleheneroko mobilizazioei eutsiko die datorren astetik aurrera. Behin udako oporren garaia igarota, beren aldarrikapenak plazaratzeko beta hartuko dute berriz ere.
Lehen protesta hilaren 11n izango da, datorren astelehenean, eta ohi bezala, Saregile plazan elkartuko dira 12:00etan. Astelehenero egingo dute mobilizazio hori 1.080 euroko gutxieneko soldata, pentsioen genero arrakala gainditzea nahiz zerbitzu publiko duinak eskatzeko.