Beheko Plaza jubilatuen eta pentsiodunen elkarteak hainbat jarduera antolatzen ditu ikasturtean zehar, eta urtero antolatzen duen mantentze soinketa jardueran izena emateko epea zabalduko dute aurki. Hain zuzen ere, irailaren 11n, astelehenean, datorren hiruhileko saioetan matrikulatzeko aukera izango dute interesdunek.
Izena ematea jubilatuen elkarteko bulegoan egin beharko da; astelehenetik ostegunera, 11:00etatik 12:00etara bitartean. Saio hauen prezioa 36 eurokoa izango da.