Kbi xake kluba ikasturte berriari begira jarri da jada. Aurtengoan ere eskainiko dituzte hastapen eta hobekuntza mailetan xakean aritzeko ikastaroak, astelehenero –17:15etik 18:15era eta 18:15etik 19:15era, hurrenez hurren–.
Jada eman daiteke izena zumaiakoxaketaldea@gmail.com helbidera mezua bidalita, baina interesa duten herritarrek aurrez xake kluba ezagutzeko beta izango dute, hilaren 22an eta 29an 17:00etatik 19:00etara egingo dituzten ate irekietan. Ondorengo telefono zenbakian argi ditzakete zalantzak interesdunek: 630 937 041.