Ankerkeriari Stop plataformak deituta, Aitor Zelaia eta Galder Barbado gazte araberren aldeko elkarretaratzea egin zuten atzo, Saregile plazan.
Pasa den ostiral arratsaldean egindako premiazko agerraldi batean, Ankerkeriari Stop plataformak jakitera eman zuen espetxeratzeko agindua jaso dutela bi gazteek. Agindua jaso zuten egunetik hasita, hamar eguneko epea dute borondatez espetxeratzeko; bestela, atxilotze agindua martxan jarriko du Espainiako Auzitegi Gorenak, maiatzean berretsitako lau urteko espetxe zigorra betearazteko. Horren aurrean, Euskal Herriak aurrera! lelopean egin zuten atzo, elkarretaratzea, elkartasuna pizteko eta bi gazte arabarren askatasuna aldarrikatzeko.