Flysch Trailerako geroz eta gutxiago falta da. Urriaren 8an izango da aurten, eta parte hartzaileak prestaketa lanetan ari dira. Igande honetan, hilak 24, egingo dute taldean azken entrenamendu saioa. Aurrekoan bezala, Lubaki kiroldegitik abiatuko dira 8:00etan, eta bi ibilbide izango dituzte aukeratzeko. Batean, lasterketa eguneko 14 kilometroko ibilbidean jardungo dute, eta bestean, ibilbide luzea landuko dute, 22 kilometrokoa.
Ekainean hasi zituzten entrenamenduak, eta guztira bost egingo dituzte lasterketan atera aurretik.
Halaber, lau prestakuntza saiotan parte hartzen duten nesken artean 30 dortsal zozkatuko dira, Gipuzkoako Foru Aldundiaren berdintasun sailaren eskutik.