Iraileko ohiko osoko bilkura egingo dute ostegun arratsaldean udaletxeko pleno aretoan. Bertan, 2024rako udal zergak eta tasak izango dituzte hizpide eta, horrez gain, 2023ko ordenantza fiskaletan aldaketa bat egitea ere aztertuko dute. Ohi bezala, 18:00etan hasiko da saioa.
Bestelako gaiak ere aztertuko dituzte ostegunean, hala nola Debegesaren eta Zumaiako Udalaren arteko lankidetza hitzarmena, Euskal Kostaldeko Unesco Geoparkearen helmugan Zumaiako udalerrian jasangarritasun turistikoko plana gauzatzeko.