Zesta puntako lehen liga bateratuari amaiera emango diote datozen bi astelehenetan Durangoko Ezkurdi frontoian. Lauko finala jokatuko dute urriaren 9an eta 16an pilotaleku honetan eta bertan denboraldiko zortzi puntista onenak izango dira lehian lau bikotetan banatuta.
Final four edo lauko final honetako bikoteak osatzeko urtean zehar ligaren barruan jokatutako lau txapelketak –Eusko Label Winter Series, Biarritzeko Urrezko Xistera, Donibane-Lohizuneko Nazioartekoak eta Paueko Kopa– hartu dituzte kontutan. Hala, Iñaki Osa Goikoetxeak eta Imanol Lopezek, ligako bi onenek, osatuko dute bikote bat. Besteak Erkiaga-Gorka Sorozabal, Johan-Minvielle eta Laduche-Basquek osatutakoak izango dira.
Datorren astelehenan jokatuko dira finalaurrekoak, 19:30etik aurrera. Goikoetxea eta Lopez Laduche eta Basqueren aurka arituko dira; Erkiaga eta Sorozabalek, berriz, Johan eta Minvielle izango dituzte aurkari. Bi partidetako irabazleek final handia jokatuko dute urriaren 16an, ordu berean. Partidak ETB-1ek emango ditu.
Partidetako sarrerak www.eramanjaialai.com ataria daude jada salgai.