Pasa den irailean ekin zioten Irakurri matte irakurle taldearen kurtso berriari. Hilean behin helduko diote liburu bati, eta haren inguruan hausnartuko dute.Uxue Alberdi idazle eta literaturazaleak gidatzen duen saio hauek hamabigarren urtea beteko dute aurtengoarekin, eta hasteko, irailean, Gaël Faye abeslari, rap musikari eta idazle ruandar-frantziarraren Ene herri txikia eleberria aztertu dute.
1987an Tafallan (Nafarroa) jaioa, itzultzailea, editorea eta idazlea da Arrula. Haur eta helduentzako makina bat literatura-lan itzuli du euskarara; besteak beste, Idea Vilariño, Anaïs Nin, Beatrice Alemagna eta Amélie Nothomben obra bana. Azkena, Sylvia Plathen Beirazko kanpaia eleberria da. Gu orduko hauek (2017) eta Lurraz beste (2023) helduentzako ipuin-liburuak eta Bidean (2018) haurrentzako albuma ere idatzi ditu.
Biharkoan Lurraz beste liburua ekarriko du Arrulak Zumaiara eta haren inguruan ariko da hizketan Zumaiako irakurleekin. Saioa 18:00etan hasiko da Alondegiko Moila gelan.