Goi mailako eskubaloi partida hartuko du datorren azaroaren 21ean, asteartea, Lubaki kiroldegiak; izan ere, Donostiako Beraberak eta Barakaldoko (Bizkaia) Zuazok neurtuko dituzte indarrak Euskal Kopako finalean. Guerreras Iberdorlako azken urteetako txapeldunak dira donostiarrak eta bizkaitarrak, nahiz eta orain Urrezko Ohorezko Mailan jokatzen duten joan den denboraldira arte Espainiako liga gorenean aritu dira.
Euskadiko eskubaloi federazioak antolatu du Berabera eta Zuazoren arteko norgehiagoka eta bost euroan salduko dituzte sarrerak. Nolanahi ere, Pulpoko bazkideek bi euroko deskontua izango dute eta merkeago eskuratu ahalko dituzte sarrerak. Horretarako, dena den, aldez aurretik egin beharko dituzte erreserbak pulpo@pulpo.eus helbidera mezua bidalita. Partida ikusteko interesa duten Pulpoko bazkideek hilabetea amaitu aurretik idatzi beharko dituzte mezuok eta sarrera kopurua eta izenak zehaztu beharko dituzte bertan.