Dorleta Kortazar Alkoz ipuin kontalari eskoriatzarra Zumaian izango da bihar, asteazkena, 18:30etik aurrera, Emakumeon Etxean. 80 amandre izeneko helduentzako ipuinez osatutako kontaketa ekarriko du Zumaiara.
Kontalari berak dioenez, eta Jorge Oteizaren hitzak hartuz, "80 amandre behar dira antzinako emakumeak egungoekin lotzeko; 80 amandre besterik ez antzinaroa gaur egunarekin lotzeko". Kortazarrek kopuru hori jaitsi egin du: "Nik lau amandre nahikoa izan ditut munduan nire txokoa aurkitzeko, lau amandre besterik ez, ipuin bihurtu eta saio honetan elkartu ditudanak".