Erabakita dago 2023ko Olarru Cup bela ligako irabazlea; Mastabakarra ontziak eskuratu du garaipena. Bigarren geratu da Arcano, eta hirugarren izan da Maixu ontzia.
Izatez, pasa den larunbatean zen jokatzekoa azken estropada, baina itsasoaren egoera txarrak eragotzi egin zuen hamargarren proba egitea, eta beraz, uste baino lehenago erabakita zen sailkapen orokorra.
Edizio honetan guztira 17 ontzik hartu dute parte. Antolatzaileek, Zumaiako Klub Nautikoak, proba gehienetan "haize eskasia" izan dela gaineratu dute, eta horrek ekarri du hainbat probetan "aurreikusitako ibilbideak laburtzea".