Azaroaren 29an egingo den plenoan irakurri eta bozkatzeko proposamena aurkeztu du Zumaiako jubilatuen eta pentsiodunen plataformak. Idatzi horren bidez, udalbatzari eskatzen diote gutxieneko pentsioa 1.080 eurora igotzeko proposamena babestu eta onartzeko.
Hala bada, udalbatzaren erabakia Eusko Jaurlaritzari eta Eusko Legebiltzarrari igortzea eskatzen dute pentsiodunek 1.080 euroko pentsioaren proposamena (hamalau ordainsaritan) datorren urteko aurrekontuetan sar ditzaten.