Jai Alai World Tour zirkuituko finala jokatuko da etzi, ostiralez, 19:30etik aurrera Bilboko Club Deportivo frontoian. Udako txapelketetako bikote onenak arituko dira zirkuituko azken partida honetan.
Iñaki Osa Goikoetxea txapeldun handiak Jai Alai World Tour zirkuituan jokatuko duen azken partida izango da, izan ere, denboraldi honen amaieran hartuko du erretiroa. Partida honetan Gorkarekin osatuko du bikotea, eta Erkiaga eta Basque izango ditu aurkari.
Finalaren aurretik emakumezkoen zesta punta partida ikusteko aukera izango dute bertaratuko direnek. Euskal Herriko Elite txapelketako puntistak kantxaratuko dira, eta horien artean izango da Frida Watkins zumaiarra. Merinorekin bikotea osatuta, Barrenetxea eta Arakistainen aurka arituko da.
Kirol jaialdi honetarako sarrerak dagoeneko salgai daude hemen.