Joan den asteazkenean Extremaduran izan ziren Debako, Mutrikuko eta Zumaiako udal ordezkariak, alkateak buru zirela, hiru geoparkeen arteko lankidetza topaketan. Lurraldearen kohesioa, behetik gorako ikuspegia, eragileen eta sektoreen arteko hurbilketa eta laguntza izan ziren proiektuaren ordezkariek nabarmendu zituzten gakoak. Geoparkeak eta haien lurraldeak hobeto ezagutzen lagundu zuen galdera- eta hitzaldi-sorta batekin amaitu zen foroa.
Honakoak bisitatu zituzten elkarrekin ondorengo egunean: Villuercas tontorra, geoparkearen punturik altuena (1595 metro); Costanaza meategia eta interpretazio-zentroa (Logrosan); Cañameroko hezkuntza-geozentroa eta Bisitarien Harrerarako Zentroa; eta, azkenik, Cabañaseko gaztelua.