Gabon garaian elkartasuna erakutsi nahian, Zumaiako Caritasek Martutenen preso dauden pertsonei bidaltzeko bilketa egingo du. Honako gaiak jasoko dituzte: txandalen galtzak, kamisetak eta jertseak; bainuko txankletak (39-45 tailetakoak); kirol oinetakoak (39-45 tailetakoak); turroi biguna; metxeroak; zigiluak (A motakoak), gutunazalak eta boligrafoak; eta azazkalak mozteko gailuak.
Bilketa abenduaren 13an eta 14ean egingo dute, 19:00etatik aurrera, Caritasek Zumaian duen lokalean.