Familiak dantzan jarri nahi ditu Astinduk urte amaieran. Hala, Zumaiako dantza elkarteak hilero antolatzen duen dantza tailerra familiei zuzendutakoa izango da abenduan.
Hilaren 29an egingo da tailerra, arratsaldez, 17:00etan hasita, Torreberrin. 4 urtetik gorako haurrei zein helduei zuzenduta egongo da, eta Oihane Vicente Agirrezabal dantza mugimendu terapeutak eskainiko du.
Astinduren beste tailerrekin ez bezala, kasu honetan izenak eman beharko dira aurretik astindu.zde@gmail.com helbidera idatzita, edo 623 228 665 telefono zenbakira WhatsAppeko mezu bat bidalita. Iragarritako orduko tailerreko aforoa betetzen bada, beste saio bat egingo da 15:00etan.