Kanariar Uharteetako Lanzarote irlan jokatu berri da 8. Lanzarote Quemao Class surf eta bodyboard txapelketa. Aurreikuspenek ziotena baino olatu hobeagoak izan dituzte parte hartzaileek, eta ikuskizun ederraz gozatzeko aukera izan dute zaletuek.
Bodyboardeko finalean Reunion Irlako Amaury Lavernhe, Willian Lujan kanariarra, Ethan Capdeville frantziarra eta Alex Uranga zumaiarra neurtu ziren. Lavernhe hasieratik joan zen puntuak pilatzen, eta bera izan da txapelketako irabazlea. Zumaiarra, berriz, final on bat eginda, bigarren postuan sailkatu da.