KZ guneak zabaldu du dagoeneko azaroko ikastaroetan izena emateko aukera. Askotariko ikastaroak izango dira datorren hilabetean, besteak beste, ofimatika tresnei, lainoan argazkiak gordetzeko aukerei eta musika aplikazioei buruzkoak. Ikastaro guztien zerrenda KZ gunearen webgunean kontsulta daiteke.
Izena emateko hiru bide izango dira: aurrez hitzordua hartuta, KZ gunean bertan, batetik; telefonoz (943-02 36 92) deituta, bestetik; edota webgunean bertan erabiltzailea eta pasahitzaren bidez sartuta, azkenik.