Gizonezkoen ohiko jokoa izaten da musa, baina emakumezkoak ere mahai bueltan trebeak direla erakutsi zuten atzo Emakumeon Etxean. Izan ere, II. Mus Txapelketa izan zen, eta guztira, 11 bikote aritu ziren nor baino nor.
Ane Nolaskoain eta Oihana Usabiaga izan ziren guztietan onenak. Bigarren, berriz, Ana Egaña eta Esti Garcia sailkatu ziren. Laurek jaso zuten Zumaiako saltokietan erabiltzeko bonoa. Dena den, parte hartzaile guztiek jaso zuten ZIG gelakoek egindako koaderno sorta.