Ez gara jaitsiko ikuskizuna aurkeztera etorriko dira Pirritx, Porrotx eta Marimotots Zumaiara. Otsailaren 12an bi emanaldi eskainiko dituzte Zumaiena ikastetxeko aretoan: 15:00etan lehena eta bigarrena 17:30ean. Ohi bezala, ez da umorerik, dantzarik eta musikarik faltatuko.
Bi saioetarako sarrerak urtarrilaren 31n jarriko dituzte salgai. Egun horretan, 17:00etatik 18.30era, Alondegiko Oxford aretoan erosi ahal izango dira aurrez aurre. Geroxeago, 19:30etik aurrera, sarrerakzumaia.eus atarian salduko dituzte. Oraindik ere saldu gabeko sarrerarik geratzen bada, turismo bulegoan jarriko dituzte salgai.
Sarreren prezioa 6,20 euro izango da, eta pertsonako, gehienez, sei sarrera erosi ahal izango dira. Antolatzaileek adierazi dutenez, urtebetetik gorako haurrek ere sarrera beharko dute aretoan sartzeko.