Antzerki talde kataluniarra bueltan da Zumaian bere azken antzezlanarekin. Urtarrilaren 26an izango da Búho lana ikusteko aukera Zumaiako Aita Mari aretoan. Emanaldia 20:00etan hasiko da. Saioa gaztelaniaz izango da.
Sarrerak dagoeneko salgai daude Turismo Bulegoan eta Internet bidez, hemen. Sarreren prezioa 8,30 euro da; 5,80 euro gazte txartelarekin. Egunean bertan aretoko leihatilan ere izango dira salgai.
Sinopsia
Pablok, Paleolitoko aztarnategietan espezializatutako antropologo forentseak, amnesia larria eragiten dion iktusa izan du. Bere oroimenean zehar barne-bilaketa ikusiko dugu, bere oroitzapenak ─azken batean, bere nortasuna─ berreskuratzeko.