Santa Ageda eguna da bihar, eta ohikoa den bezala, koplak abestera atera dira herritarrak kalera. Eguerdi partean bi talde aritu dira kantuan, Zumaiako Herri Eskolako komunitateak osatutako taldea batetik, eta San Pedro Abesbatza bestetik.
Lehenak Victoriano Arrate etorbidetik abiatu dira, handik Beheko plazara, Erribera kalera eta Ondartxo plazara abiatzeko. Amaia Aldalurrek zuzendutako koruak, berriz, Beheko plazan hasi du kantu saioa, eta hark ere Ondartxo plazarako bidea hartu du. Bi taldeek bat egin dute una batzuetan, baita batera abestu ere.
