Joera handia daukagu saltoki handietan erosteko. Zergatik dira hain erakargarriak?Erraztasunak ematen dizkigute, adibidez, kotxea aparkatzeko, erosketak egiteko aukera ezberdinak, aisialdirako guneak ere badituztelako…
Internet bidez ere gero eta gehiago erosten dugu. Zergatik? Zer abantaila du horrek herriko dendan erostearekin alderatuta?
Erosoa egiten delako eta azkar, klik batekin erosi ahal dituzu produktuak. Baita ere, etxera beraiek ekartzen dizutelako erositakoa.
Indargunerik edo bereizgarririk ba al du herriko merkataritzak saltoki handien edo online salmentaren aldean?
Bai, herriko merkataritzan bezeroarekiko harremana sendoagoa da eta aukera gehiago ematen dizkizu aukeratzeko momentuan edo probatzerako momentuan.
Zure iritziz, herrietako merkataritza beharrezkoa al da? Zergatik? Zer ekarpen egiten dio herriari?
Bai, oso beharrezkoa da, herriari zerbitzu bat emateko eta herrian bertan lan egiteko aukera ematen digulako.
Zer egin daiteke herriko merkataritza indartzeko saltoki handien eta online salmentaren aurrean? Zer botatzen duzue faltan, zer hobetu beharko litzateke?Erakundeen partetik dendariei laguntzak eta erraztasunak ematea dendak irekita mantentzeko eta azokak eta horrelakoak bultzatzea jendeak parte har dezan.