Astebete lehenago denboraleagatik bertan behera geratu zen Tolosan jokatzekoa zen Gipuzkoako batel ligako bosgarren jardunaldia. Pasa berri den astebururako eguraldiaren iragarpenak ere ez ziren oso baikorrak, baina, hala ere, seigarren jardunaldia jokatzeko gai izan ziren, Trintxerpen.
Zumaiako Telmo Deun arraun elkarteko batelak bertan izan ziren, eta emaitza hauek izan zituzten: infantil neskatan Zumaia zazpigarren izan zen, eta ontzi mistoa hamabigarren; promesa mutiletan, ontzi mistoa zazpigarren izan zen; promesa neskatan, berriz, A ontzia hamaikagarrena izan zen, B batela hamabosgarren eta Zumaia C hamazazpigarren.
Datorren igandean jokatuko da ligako zazpigarren jardunaldia, Getarian.