Zumaiako Bertso Eskolak bertso jaialdia antolatu du aurten ere santelmoak abiatzeko. Apirilaren 5ean, ostirala, izango da, Zumaiena ikastetxeko aretoan, 22:00etan hasita, eta Baleike Gukak hiru sarrera bikoitz zozkatuko ditu hedabideko bazkideen artean. Bertso Eskolak berak emandakoak dira sarrerok eta bertso saiora joateko zozketan parte hartu nahi duten bazkideek lotura honetan egin dezake.
Ohi bezala, maila handiko bertsolariak bilduko ditu santelmoetako bertso jaialdiak; izan ere, honako sei hauek igoko dira Zumaienako oholtza gainera: Maialen Lujanbio, Andoni Egaña, Nerea Ibarzabal, Joanes Illarregi, Xabat Galletebeitia eta Sustrai Colina. Gai jartzaile lanetan, berriz, Maddalen Arzallus ariko da.