Aita Mari aretoan hartuko du gaur arratsaldean Maiatza Dantzan programako asteburu honetako ekitaldia. Astindu dantza taldeak udalarekin elkarlanean antolatu duen programazioaren barruan, Argentinako doinuak entzuteko aukera izango da gaur, 19:00etan. Hasiera batean Uriarte jauregiko lorategian zen egitekoa, baina eguraldiaren aurreikuspenek Aita Marira lekualdatzera behartu dute.
La sureña tango argentino ikuskizunarekin etorriko da Exilio New Tango taldea Zumaiara. Argentinako tango doinuek osatuko dute emanaldia. Hala, Milonga del Trovador abestiarekin hasiko da kontzertua, eta Malevaje, Naranjo en flor edota Silueta porteña bezalako kantak entzungo dira, beste askoren artean.