Emakumeek pala partidak jokatuko dituzte ekainean zehar Odieta frontoian. Izan ere, emakumeen binakako pala txapelketa antolatu du Zumaiako Emakumeon Etxeak.
Antolatzaileek zabaldu dute dagoeneko izen ematea. Horretarako, Emakumeon Etxean bertan emango dira izenak, telefonoz 633 43 27 62 zenbakira deituta edo info@zumaiakoemakumeonetxea.eus posta elektronikoko helbidera deituta. Bikoteka edo banaka eman daiteke izena, eta pertsonako 6 euro ordainduko dira. Izena emateko epea ekainaren 25ean itxiko dute.
Mailaren arabera, bi txapelketa egingo dira. Partidak astearte eta asteazkenetan jokatuko dituzte, 18:00etan, Odieta frontoian. Finala ekainaren amaieran jokatuko dituztela azaldu dute antolatzaileek, oraindik zehaztu ez duten data eta ordu batean. Otarrek eta Gertu elkartearen erosketa txartelek osatuko dituzte sariak.