Maiatzaren 17a da gaur, LGTBI+fobiaren aurkako nazioarteko eguna. Oraindik ere sexu-genero disidenteek bizi dituzten diskriminazio egoerak eta tratu txarrak salatzeko eguna da, eta Hezkidetza Foroak sexu askatasunaren aldeko mezua zabaltzeko baliatu du data seinalatua. Zumaiako eskoletako ikasle eta irakasleek talde argazkia atera dute, Zumaiako Udaleko ordezkariekin batera, LGTBI+ kolektiboko pertsonen eskubide berdintasuna aldarrikatzeko.
Bide batez, ikasgeletan egingo dituzten dinamiken berri ere eman dute. Norbere testuingurura egokituta, Zumaiako Herri Eskolako, Zumaiena ikastetxeko, Oikiako eskolako eta Soldadura eskolako kideek sexu askatasunaren onarpenaren eta askatasunaren garrantziaz sentsibilizatzeko dinamikak egingo dituzte.