Ezin hobeto hasi du Julen Mateos gazte zumaiarrak 2024ko moto denboraldia. Pasa den igandean Segovia (Gaztela eta Leon, Espainia) jokatu zen Gaztela eta Leongo Txapelketa irabazi zuen 13 urteko zumaiarrak Minimotard 85 kategorian.
Segoviako Kartpetania zirkuituan jokatu zen txapelketa, eta hiru probaz osatu zen. Lehenbizi, erlojuaren aurkako entrenamendua izan zuten, eta ondoren bi txanda korritu behar izan zituzten. Denetan ere lehena izan zen Mateos.
Ligako lehen proba izan zen igandean jokatutakoa, eta lortutako garaipenari esker sailkapeneko lehen postuan kokatu da zumaiarra, 50 punturekin. Hurrengo hitzordua hilabete barru izango du, ekainaren 23an, Salamancan.