Casablancan (Maroko) izan da Annette Gonzalez-Etxabarri surflari zumaiarra igaro berri den asteburuan, Morocco Mall Junior Pro Casablanca txapelketan parte hartzen. Junior Qualifying Series txapelketako denboraldiko lehen proba zen, eta zumaiarra zen garaipena eskuratzeko faborito nagusia.
Izan ere, zumaiarra hiru aldiz izan da txapeldun junior mailako Europako zirkuituan. Hina-Maria Conradi, Clemence Schorsch eta Sarah Leiceaga surflariak mendean hartu zituen zumaiarrak Casablancako proban, eta laugarrenez jarraian izan da txapeldun zirkuituan.