Arraunlari beteranoen Zipr 18/70 traineru ligako laugarren jardunaldia jokatu da asteburu honetan Sestaoko (Bizkaia) uretan. Bertan izan dira zumaiarrak ere, baina ezin izan dute orain arteko maila erakutsi: seigarren egin dute azken estropada honetan –aurreko bi jardunaldietan bigarren sailkatu dira–.
Badok 13 ontzia helmugaratu zen bizkorren, eta hura baino 23 segundo gehiago behar izan zituen Zumaiako ontziak lanak bukatzeko. Bigarren mundakarrak sailkatu ziren, eta hirugarren, Santurtzi.