Biescaseko (Huesca, Espainia) udazkeneko azokako XIV. argazki lehiaketan lehen saria eman diote Ivan Rodriguez Distira Argazki Elkarteko kideari. Begiradak argazkia da, hain zuzen, sari hori eskuratzeko aukera eman diona, eta haur batzuk asto bati lastoa ahora eramaten ageri dira, azoka batean.
Rodriguezi aipamen berezia ere egin dio lehiaketako epaimahaiak beste argazki batengatik. Kasu horretan, egurrezko taula baten gainean gazta mozten ageri dira bi esku, labanaz lagunduta.
