Eva Francok aurkezturiko argazkiak eskuratu du Distiraren apirileko lehiaketa sozialeko lehen saria. Zaharra izan da elkarteak argazkizaleei jarritako gaia, eta guztira, hamabi parte hartzaileren 24 irudi jaso dituzte.
Francoren lanaz gain, Ivan Rodriguezen eta Luis Mari Alkortaren lanak ere saritu dituzte. Guztiak ere Distiraren webgunean daude ikusgai.