Ikasturte amaierako ekitaldiekin jarraitzen du Zumaiako Musika eta Dantza Eskolak. Maiatzean ekin zieten entzunaldi eta emanaldi hauei, eta datorren astean ere egingo dituzte herriko gune desberdinetan.
Hasteko, gaur bertan Arrasaten izango dira klarinete ikasleak Debabarreneko herri honetan egingo den klarinete topaketetan parte hartzen.
Astelehenean, hilaren 10ean, 17:30ean hasita, Oikiako ikasleen txanda izango da. Herrian bertan egingo dute emanaldia, Oikiako Eskolan.
Egun bat geroago, asteartean, dantza emanaldia izango da 19:00etatik aurrera, Zumaine Ikastetxeko aretoan.
Zumaienan baita ere, baina Baso magikoko domoan, kantuko ikasleen saioa izango da ekainaren 12an, asteazkenean, 19:00etan hasita.
Asteko emanaldiekin amaitzeko, ostegunean, ekainaren 13an, antzerkiko ikasleen emanaldia izango da, 20:00etatik aurrera, Alondegiko Oxford aretoan.