Goizeko 09:00etan ireki dituzte hauteslekuetako ateak Zumaian Aitzuri pilotalekuan eta Alondegian, eta herritarrak pixkanaka ari dira gerturatzen beren botoa ematera. Gaurkoan, Europako Legebiltzarrerako hauteskundeetan bozkatu beharko dute herritarrek. Hain zuzen ere, 7.839 herritar daude bozkatzera deituta Zumaian.
Iluntzeko 20:00etan itxiko dituzte hautetsontziak, eta besteetan ez bezala, boto kontaketak zuzenean %100 zenbatuta emango dituzte, 23:00-23:30 bitartean. Hauteskundeen jarraipena egingo du Gukak; parte hartze datuak emateaz gain, gauean zenbaketa datuen infografiak ikusgai izango dira webgune guztietan.