Txikienek ere pilotan aritzeko aukera izan zuten pasa, zuriz jantzita frontoian. Izan ere, Zumaiako Kirol Elkarteak kurtso amaierako festa antolatu zuen larunbat arratsalderako. Printzipioz, Odietan zen egitekoa, baina eguraldiagatik Herri Eskolako pilotalekura lekualdatu zuten.
Kimu eta benjamin mailako partidak izan zituzten, eskuz zein palako modalitatean. Giro polita izan zen arratsean zehar, eta taldeko argazki batekin bukatu zuten lagunarteko jarduera.