Artisau azoka izaten da Euskal Jai eguneko jarduera jendetsuenetako bat. Aurten ere postuz beteko da Foruen plaza abuztuaren 9an, eta egun horri loturiko prestaketekin hasia da dagoeneko udala.
Azokan postua jarri nahi duten artisauek izena emateko epea zabaldu dute jada. Ekainaren 21era arte izango dute horretarako aukera, Alondegira jota, kulturetxea@zumaia.eus helbidera idatzita edo egoitza elektronikoaren bitartez. Eskabide orria aurkeztu beharko da horretarako.