Erabakita geratu da zer lau bikotek jokatuko dituzten datorren ostiralean Zumaiako esku pilota txapelketa herrikoiko finalerdiak. Partidak 18:00etatik aurrera jokatuko dituzte, eguraldi ona egiten badu, Odieta frontoian. Euriarekin, ligaxkako azken jardunaldian gertatu bezala, Herri Eskolako pilotalekuan jokatuko dira.
Lehen partidan, Kimetz Etxabe eta Oihan Etxabe Aitor Aizpurua eta Josu Salegiren aurka arituko dira. Bigarrengoan, Unai Beristain eta Jon Alkorta Unai Etxabe eta Peio Etxaberen aurka.
Txapelketako finala eta hirugarren eta laugarren postua erabakitzeko partida hurrengo ostiralean, hilaren 28an jokatuko dituzte.