Ekainaren 30ean helduko dira Oporrak Bakean programari esker uda Euskal Herrian igaroko duten haur sahararrak. Darahli elkarteari esker, bederatzi Urola Kostako harrera familiekin izango dira, eta hogei inguru, berriz, Larrabetzuko (Bizkaia) aterpetxe batean.
Haur horientzako arropa bilketa egingo du Darahlik aste honetan zehar. Azaldu dute 8-9 urteko haurrentzat izango direla bildutako produktuak, eta polarrak, kirol-jertseak, galtza motzak eta kirol zapatilak jaso nahiko zituzketela. Herri Eskolako Sagarbide eraikinean eta Zumaienan bilduko dituzte.