Verdini dantza taldeak Hotzikarak emanaldia eskaini behar zuen gaur arratsaldez Odieta frontoian. Eguraldiaren iragarpenak, baina, ez dira onenak, eta baldintza horiek dantzarako aproposenak ez direla ikusita, emanaldia uztailera mugitzea erabaki dute dantza taldeko arduradunek.
Urritasuna duten pertsonek osatzen dute Verdini dantza taldea eta Hotzikarak bezalako ikuskizunekin beraien pasioa den dantza jendaurrean erakusten dute. Taldearen helburua bada, baita ere, egiten duten lana ezagutera ematea, eta gaurkoa bezalako eguraldiarekin akaso jende asko bertaratuko ez zela pentsatuta, datorren hilabetera mugitzea erabaki dute. Hasiera batean, uztailaren 7an izango da Hotzikarak Zumaian ikusteko aukera.