Pulpo Eskubaloia egun handia ari da ospatzen gaur. Klubaren 50. urteurrenaren inguruko zenbait ekitaldi egin dituzte aurreko asteotan. Gaur, jai giroan ari dira klubaren mende erdia ospatzen.
Goizean, beteranoen eta gaur egungo jokalarien arteko partidak jokatu dituzte Lubakin. Triki poteoaren ondoren, berriz, Beheko plazan jarritako karpan elkartu dira egungo eta antzinako jokalariak, lagunarteko bazkarian. Jai giroak arratsaldean jarraituko du, baita bihar egun osoan ere.