Bazkideei zuzendutako lehiaketak egiten ditu hilero Distira argazki elkarteak. Gai jakin bat jarri, eta haren inguruko irudiak ateratzen dituzte lehiaketako parte-hartzaileek. Lan horiek elkartearen webgunean eta Zumaiaguka bertan erakusten dituzte.
Orain, saritutako lanak jendaurrean jarri dituzte, Alondegia kultur etxeko sarreran prestatutako erakusketan. Bilduma hau kultur etxeko ordutegian bisitatu ahal izango da hilaren amaierara arte.