Uztailerako prestatutako egitarauaren barruan, datorren ostegunean, hilaren 11n, xake txapelketa azkarra jokatuko dute Etxape zentro sozialistan (Aita Mari, 16). Partidak 18:00etan hasiko dira, 3+2 formatuan. Behin txapelketa bukatuta, pintxopotea izango dela ere iragarri dute Etxapeko kideek.
Izen ematea dagoeneko zabaldu dute Kabi tabernan, sare sozialen bidez edo urolakosta@kontseilusozialista.eus helbidera idatzita. Doan izango da izen ematea.
Txapelketa honen, eta hilean zehar antolatuko dituzten beste jardueren helburu nagusiak "espazioaren beharrei erantzutea eta hausnartzeko nahiz sozializatzeko espazioak sortzea" izango direla azaldu dute zentro sozialistako kideek.