Busti zaitez esklerosi aniztunaren aldeko kanpaina egingo da datorren igandean, hilaren 14an, Euskal Herriko hainbat herritan. Gaixotasun hau dutenen aldeko gizarte sentsibilizazio eta baliabide bilketaren kanpainarik garrantzitsuenetakoa da hau.
Azken urteotan bezala, Nagusilaneko Zumaiako kideek ere bat egingo dute kanpainarekin. Hala, mahaia jarriko dute igandean Erribera kalean. Bertan, Katuky Saguyakik edizio honetarako diseinatutako merchandising produktuak erosi ahal izango dira edo, bestela, donazioak egin kanpainaren alde.