KAE 1 ligako seigarren jardunaldia zen jokatzekoa datorren igandean, arratsaldez, Sestaon, Ibaizabalen. Iragarritako hitzordua, baina, bertan behera utzi behar izan dute. ETE ligako estropada ere aurreikusita dago, eta badirudi hura jokatuko dela.
Udalaren baimen kontuak aipatzen dira gizonen estropada bertan behera uzteko arrazoi bezala. Baita KAE 1 ligako araudiak ez duela uzten estropadak igande arratsaldez jokatzen. Beste aukera batzuk aztertu zituzten, egunez aldatzea, adibidez, baina azkenean ligako klubek Sestaoko gizonen estropada bertan behera uzteko erabakia hartu dute. Hala, uztailaren 20ra arte ez dute lehiarik izango KAE 1eko ontziek.
Beraz, igande arratsaldean Sestaon ETE ligako estropada bakarrik jokatuko dute. 17:00etan hasiko da eta erlojuaren aurkako arraunketa saioa izango da.
