Makina bat filmetan aritua, zuzendari gisa westernak egin ditu Kevin Costner aktore estatubatuarrak, izan iraganean girotutakoak (Dancing with wolves, Open range), izan etorkizun distopiko bat erretratatzen dutenak (The postman). Bi hamarkadan zuzendu gabe egon ondoren, beste western batekin itzuli da Costner zuzendari postura: Horizon: An american saga. Zuzendari bera, Sienna Miller edota Sam Worthington ditu aktore lanetan. Film handia, bi zatitan banatu du, eta oraingo honetan lehena ikusi ahal izango da.
Filma gaurtik astelehenera bitartean emango da, 19:30ean, Aita Mari zinema aretoan. Sarrerak aurrez eros daitezke hemen.