Urpekaritzaren munduan hastapeneko pausoak emateko aukera eskainiko die Olarrusub elkarteak herritarrei zein bisitariei. Izan ere, urpekaritza bataioak egingo dituzte igande goizez Arbustaingo Arranplan. 10:30etik 13:30era bitartean egingo dituzte saioak.
Antolatzaileek azaldu dutenez, jarduera hau 18 urtetik gorako lagunei zuzenduta dago, eta interesdunek aurrez eman beharko dute izena, olarrusub@gmail.com posta elektronikoko helbidera idatzita.