Zirko batean ohikoagoa den saioa jarraitzeko aukera izan zuten atzo arratsaldean Beheko plazaren inguruan zebiltzan haurrek. Herriz herri, festaz festa, plazaz plaza aritzen diren artista horietako batek herriko kultur egitarautik kanpoko erakustaldia eskaini zuen plazan, eta haren bueltan egon ziren eserita, adi-adi, makina bat haur. "Umeak geldi-geldi edukitzea hainbeste denboran, badu meritua!", zioen Hogarreko erabiltzaile batek.
Behin txapela pasatu ondoren, bazirudien amaitutzat emango zuela saioa, baina geratzen ziren herritarren aurrean trukoak erakusten jarraitu zuen artistak.