Saninazio jaietan murgilduko dira Azpeitian asteartetik aurrera. Joan-etorrietan autoa ahalik eta gutxien erabili ahal izateko, gaueko autobus zerbitzu bereziak jarriko ditu Lurraldebusek astearte, asteazken eta ostegun gauetan.
Autobusak Azpeitiko anbulatorio aurretik aterako dira. 0:30eko busa Zumaiaraino helduko da; 02:30eko eta 04:30eko busek, berriz, Zarautzera arte jarraituko dute behin bidaiariak Zumaian utzita.
Asteartetik asteazkenera arteko gauan azken autobus bat ere izango da goizaldeko 6:30ean. Bus hau Zumaiaraino helduko da, ez du Zarautzera jarraituko.